1418. November 14. Smeilersdorf

Ich Heinrich Bies Erbherre czu Smeilersdorff . . . . . . . . in dissem briffe allen dy en sehn horen ader lesen Das . . . . . . . . . . sehn habe einfeldige alde vnd getrawe dinste dy mir hat g . . . . . . . . . . Sczepan meyn schultes des benanten dorffes Smeilersdorff, vnd gebe Im in craft disses briffes eine freye tryft, meyner herschaft, wff anderthalb hondert schoff frey awsczugen vnd zuhaben in allermasse als ich das selber gehalden vnd gehabt habe wff dem benanten gute Smeilersdorff, Im vnd seinen geerben, zu seiner schultesey, haben halden, domete thuen vnd lassen, erblichen vnd ewiglichin zu besitczen. Des zu Orkond habe ich mein Ingesigil vnden an dissen briff gehangen. Gegeben zu Smeilersdorff des Sontages nach Sand Mertinstage Nach Cristi geburt firczenhondert, dornach in dem acht vnd czwenczigstin Jare.

Aus dem schadhaften Original, mit anhangendem Siegel.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.